Бир камбағал одам рўзғорини аранг эплаётган бир пайтда, совуқ тушиб фарзандларига қишки кийим олиб бериши зарур бўлиб қолди.

Ўзини ҳар ерга уриб, имкон қадар ҳаракат қилса-да, пул тополмай нима қилишини билолмай хуноб бўлиб, боши қотиб қолди. Кимдандир қарз ёки ёрдам сўрашдан қаттиқ уяладиган инсон бўлгани учун, бойвачча қариндошларига мурожаат қилишдан тийиларди. Аммо фарзандлари ва аёлини ачинарли ахволига эзилиб тамом бўлгани ва бошқа бирор чора тополмаганидан кейин, ўша бойлардан бирини ёнига қарз сўраб борди. Хонларнинг саройидан қолишмас уйидан чиққан бой, ўлганини кунидан камбағал уруғи билан зўрға кўришди ва уни арзини беписанд эшитди. Камбағал хижолат бўлганича бир амаллаб қарз сўраганидан кейин, бой, хозир савдоси анча пасайгани ва қарз бериш имконияти йўқлигини айтиб уйига кириб кетди. Камбағал бойни энса қотириб кириб кетишини кузатаркан, сарой ичидаги тахланиб турган бир нечта қимматбаҳо автомобилларга кўзи тушди ва ич-ичидан қаттиқ хўрлиги келиб, уйигача йиғлаб келди. Қарз ололмаганига эмас, ҳасис ва пасткаш уруғидан қарз сўраганига афсусланиб йиғларди. Уйига келиб хомуш ўтирганида, аёли ёнига келиб ундан нима бўлганини сўради. Лекин уруғларимиз орасида гап кўпаймасин деб, аёлига шунчаки пул топа олмаётганидан хафалигини айтди. Шунда аёл эрига, яқин қариндошлардан биридан қарз сўраб туришини тавсия қилди ва ўша қариндошлари бугун, телеграм группалигига уйларини бир нечта энг замонавий қиммат арчалар билан ясатишгани ва уларга 9000$ доллар сарфлашгани ҳақидаги видеони ташлашганини айтди. Камбағал узоқ сукунатга шўнғиб, аёлини қолган гапини эшитолмайдиган даражада оғир бир холатга тушиб қолди, қалби ва рухияти билан эзилди...
(Бу яқинда бўлган воқеа, бир тўқима ҳикоя эмас)
Фозилхўжа Толибхўжаевич Орифхўжаев.
shukran