Kubuntu 8.

04 LTS
ლინუქსი (Linux) წარმოადგენს მრავალფუნქციონალურ მძლავრ უფასო ოპერაციულ სისტემას, რომელიც იუნიქსის (UNIX) მაგვარი ოპერაციული სისტემების ერთ-ერთ ნაირსახეობაა. ოპერაციული სისტემა UNIX შეიქმნა სამოციან წლებში, კომპანია ბელ ლაბსის (Bell Labs) (ამჟამად AT&T Bell Laboratories) მიერ. UNIX-ის შექმნისას გათვალისწინებული იქნა მისი მულტიპლატფორუმულ ოპერაციულ სისტემად ჩამოყალიბება, ანუ უნდა ყოფილიყო შესაძლებელი მისი სხვადასხვა არქიტექტურის მანქანებზე უპრობლემოდ მუშაობა. სწორედ მისმა მულტიპლატფორმულობამ განაპირობა UNIX-ის უდიდესი პოპულარულობა. UNIX-ის პოპულარულობასთან ერთად სხვადასხვა კომპანიებმა დაიწყეს UNIX-ის ბაზაზე ოპერაციული სისტემების შექმნა. Linux არის თავისუფალად გავრცელებადი GPL ლიცენზიაზე დამყარებული ოპერაციული სისტემა, რომელიც შეიქმნა UNIX მაგვარი ოპერაციული სისტემა Minix-ის ბაზაზე. მისი თავდაპირველი ვერსიის შემქმნელია ფინეთის ჰელსინკის უნივერსტიტეტის სტუდენტი ლინუს ტორვალდსი (Linus Torvalds). საგულისხმოა ის ფაქტი, რომ სტუდენტმა ახალი ოპერაციული სისტემა საკურსო ნაშრომის ფარგლებში შექმნა.
(Tux) - ლინუქსის სიმბოლო
Linux წარმატებით შეიძლება გამოვიყენოთ, როგორც სამუშაო სადგურად, ასევე სერვერის პლატფორმად. დღესდღეობით Linux-ი UNIX-ის მაგვარი ოპერაციული სისტემების ღირსეული კლონია. Linux სრულყოფილი მრავალფუნქციონალური მრავალამოცანიანი ოპერაციული სისტემაა, რომელიც წარმატებით ართმევს თავს თანამედროვე საინფორმაციო ტექნოლოგიების მზარდ მოთხოვნილებებს. მასზე შესაძლებელია X Windows-ის გრაფიკულ გარემოში და console (ბრძანებათა სტრიქონში) მოხერხებული მუშაობა. Linux-ის მომხმარებელთათვის არსებობს თანამედროვე გრაფიკული და საოფისე პროგრამები, ასევე მათთვის ინტერნეტში სრულყოფილად სამუშაოდ უამრავი პროგრამა, რომლითაც შესაძლებელია ვებ-გვერდების დათვალიერება, ელექტრონული ფოსტის მიღება და გაგზავნა, IRC, ICQ, Yahoo Messenger, AOL Instant Messenger, MSN Messenger და სხვა პოპულარული საკომუნიკაციო საშუალებების გამოყენება.
არანაკლები რაოდენობით არსებობს პროგრამირებით დაინტერესებულ პირთათვის განკუთვნილი პროფესიონალური დონის გრაფიკული ინტერფეისიანი პროგრამული პროდუქტები. ამასთან პროგრამული უზრუნველყოფის სრული სპექტრი არსებობს Linux-ის როგორც ინტერნეტ, ბეჭდვით თუ ფაილ სერვერად გამოსაყენებლად. Linux-ისთვის არსებობს უმძლავრესი პროგრამული პროდუქტები მონაცემთა ბაზების შესაქმნელად, რომლის ნათელი მაგალითია კომპანია Oracle, რომელიც თავის პროდუქციას სხვა ოპერაციულ სისტემებთან ერთად ასევე Linux პლატფორმისათვის ქმნის.
ამჟამად Linux საკმაოდ დეტალურად არის დოკუმენტირებული, ასევე დოკუმენტირებულია Linux-ის ბაზაზე შექმნილი პროგრამები, ეს ინფორმაცია უფასოა და შესაბამის ინტერნეტ გვერდებზე არსებობს. Linux-ის პრინციპია: მომხმარებელს უფასოდ მიეწოდოს რაც შეიძლება მეტი ინფორმაცია და პროდუქტი (პროგრამა), რაც ხელსაყრელი ალტერნატივაა მომხმარებლისთვის.
ლინუქსის კერნელის ბაზაზე იქმნება უამრავი დისტრიბუტივი მათ შორის არის ubuntu, fedora, openSUSE, Mandriva, Debian, Slackware, Kubuntu და სხვა.
ჩვენ განვიხილავთ ლინუქსის ერთ-ერთ დისტრიბუტივს კერძოდ Kubuntu 8,04 LTS-ს. kUbuntu (კუბუნტუ) - არის ოპერაციული სისტემა, რომელიც დაფუძნებულია Debian GNU/Linux-ის დისტრიბუტივზე. ვრცელდება, როგორც თავისუფალი და ღია კოდის მქონე პროგრამა (open source), დამატებით დაპატენტებულ პროგრამებთან ერთად. სახელი "უბუნტუ" ეფუძნება სამხრეთ აფრიკულ უბუნტუს ფილოსოსფიას ("ჰუმანურობა ერთმანეთის მიმართ"). ხოლო K წინ მიწერილი აქ იმის გამო რომ კუბუნტუ იყენებს KDE გრაფიკულ გარსს. კუბუნტუ წარმოადგენს თანამედროვე, სტაბილურ ოპერაციულ სისტემას, საშუალო სტატისტიკური მომხმარებლისთვის. კუბუნტუ შედგება მრავალი პროგრამული პაკეტისაგან. რომელთაგანაც უმრავლესობა ვრცელდება უფასო პროგრამების (ღია კოდის) ლიცენზიით. ძირითადი გამოყენებული ლიცენზიაა, GNU General Public License (GNU GPL), რომელიც GNU Lesser General Public License (GNU LGPL) ფარგლებში ნათლად განმარტავს, რომ მომხმარებლებს უფლება აქვთ პროგრამის გამოყენების, გადაწერის, გავრცელების, შესწავლის, განვითარებისა და გაუმჯობესების. კუბუნტუ ფინანსდება ბრიტანეთში დაფუძნებული კომპანიის: შპს კანონიკალის მიერ, რომლის დამფუძნებელია სამხრეთ აფრიკელი მეწარმე მარკ შათლვორთი. ინარჩუნებს რა კანონიკალი კუბუნტუს, როგორც ღია კოდს და სრულიად უფასოს, მას შეუძლია კუბუნტუს დეველოპერთა ტალანტის გამოყენება. კანონიკალი არ ყიდის კუბუნტუს, თუმცა შემოსავალს იღებს ტექნიკური მომსახურების გაყიდვითა და კუბუნტუსთან დაკავშირებული სხვადასხვა მომსახურებით.
კანონიკალი კუბუნტუს ახალ ვერსიას უშვებს ყოველ ექვს თვეში და თვრამეტ თვიან მხარდაჭერას უწევს უსაფრთხოების განახლებების უზრუნველყოფით. აგრეთვე აწესრიგებს აღმოჩენილ ხარვეზებს და მცირეოდენ ანახლებს პროგრამებს. ხანგრძლივი მხარდაჭერის მქონე ვერსიებს (LTS), რომლებიც გამოდის ყოველ ორ წელიწადში, აქვთ სამ-წლიანი მხარდაჭერა პერსონალურ კომპიუტერებზე და ხუთ-წლიანი მხარდაჭერა სერვერებისთვის.
შესაბამისად Kubuntu 8.04 LTS რომ გავშიფროთ:
K - ნიშნავს რომ ოპერაციულ სისტემას აქვს KDE-ს გრაფიკულ გარსი.
Ubuntu - ეფუძნება სამხრეთ აფრიკულ უბუნტუს ფილოსოსფიას ("ჰუმანურობა ერთმანეთის მიმართ").
8.04 - ნიშნავს რომ კუბუნტუს ეს კონკრეტული ვერსია არის გამოშვებული 2008 წლის მე-4 თვეს ანუ აპრილში.
LTS – იშიფრება როგორც ”Long Time Support” და ნიშნავს დიდი ხნის მხარდაჭერას, რაც გამოიხატება როგორც ხანგრძლივი მხარდაჭერის ვერსია. ეს მხარდაჭერა გამოიხატება 3 წლით. მხარდაჭერაში შედის მოწესრიგება აღმოჩენილი ხარვიზების ოპერაციულ სისტემაზე და ოპერაციულ სისტემაზე დაინსტალირებული პროგრამების განახლება. ხანგრძლივი მხარდაჭერის მქონე ვერსიები გამოდის ყოველ 2 წელიწადში.
იმისათვის რომ კუბუნტუ დააყენოთ თქვენს კომპიუტერზე დაგჭირდებათ მისი საინსტალაციო იმიჯი. ორი სახის იმიჯი არსებობს ესენია Alternate CD და Desktop CD.
Alternate CD-ით ინსტალაცია ხდება Command Line Interface-ით ბრძანებების ინტერფესით, ხოლო Desktop CD-ით ინსტალაცია ხდება Graphical User Interface-ით ანუ გრაფიკული გარსიდან. თუ თქვენ აპირებთ Desktop CD-ით ინსტალაციას ოპერაციული სისტემის ისიც უნდა გაითვალისწინოთ რომ თქვენს კომპიუტერს უნდა ქონდეს მინიმუმ 384 MB ოპერატიული მეხსიერება (RAM).
არსებობს 32bit-იანი და 64bit-იანი ოპერაციული სისტემები, 32bit-იან ოპერაციულ სისტემას აყენებთ თქვენს კომპიუტერზე იმ შემთხვევაში თუ თქვენი კომპიუტერის ოპერატიული მეხსიერება (RAM) 4GB-ზე ნაკლებია. 64bit-იან ოპერაციულ სისტემას აყენებთ თქვენს კომპიუტერზე იმ შემთხვევაში თუ თქვენი კომპიუტერის ოპერატიული მეხსიერება (RAM) 4GB-ზე მეტია და თქვენს პროცესორს აქვს 64bit-იან ოპერაციულ სისტემის მხარდაჭერა.