Avstraliya kemasi yo‘qolgan “Boing”

qidiruvlariga qayta kirishadi Avstraliyaning Ocean Shield harbiy kemasi Hind
okeanidagi Malayziyaning yo‘qolgan “Boing”i
qulagan deya taxmin qilinayotgan qidiruv
hududiga qaytishni rejalashtirmoqda. Bu haqda
Avstraliyaning ABC telekanali xabar berdi. Yo‘qolgan “Boing” qidiruvida foydalanilayotgan Bluefin-21 suvosti qurilmasi. Foto: thenewdaily.com.au “Kun”ning qayd etishicha, qidiruv ishlarida qayta sozlangan Bluefin-21 batiskafidan ham
foydalaniladi, qurilma suvga tushiriladi. AQSh harbiy-dengiz kuchlari kapitani Mark
Mettyusning so‘zlariga ko‘ra, qidiruv hududiga
yetib borish uchun kemaga uch kun vaqt kerak
bo‘ladi. “Ular yo nimadir topadi, yoki hech narsa
chiqmaydi. Bu hudud hali to‘liq o‘rganib
chiqilgani yo‘q, shunday ekan, u yerda
ishlashda davom etamiz”, — dedi Mettyus. Malaysia Airlines’ning Kuala-Lumpur—Pekin
yo‘nalishi bo‘ylab parvoz qilayotgan Boeing
777-200 layneri 8-martga o‘tar kechasi
radarlardan yo‘qolgan edi. Samolyot bortida 239 kishi bo‘lgan.