Պատրաստում ենք ֆրանսիական հայտնի աղանդեր "Միլֆեյ" ելակով

-------
շերտավոր խմոր առանց թթխմորի 500գր
մասկարպոնե 250գր
ձվի դեղնուց 1 հատ
շաքարի փոշի 60գր
ելակ 250գր
անանուխ 1 ճյուղ
-------
Նախապես սառեցրած խմորը բացեք գրտնակով, ապա կտրեք ուղղանկյուններ (խմորեղենի 1կտորի համար անհրաժեշտ է 3շերտ ուղղանկյունաձև խմոր):
Խմորները շարեք ջեռոցի տապակի վրա, պատառաքաղով ծակեք խմորի շերտերի ամբողջ մակերեսը (ինչպես ցույց է տրված նկարում):
Եփեք ջեռոցում 10-15րոպե 190աստիճանում մինչև թույլ շագանակագույն երանգի առաջացումը:
Թողեք խմորի շերտերը սառչեն, որից հետո կտրատեք նրանց ծայրի չորացած մասերը:
Հարեք շաքարի փոշին ձվի դեղնուցի հետ մինչև վերջինիս սպիտակելը և փրփրելը, ապա ավելացրեք մասկարպոնեն և կրկին հարեք մինչև կրեմի պնդանալը:
Ելակները լվացեք, կտրատեք երկարությամբ 2 մասի:
Խմորի շերտի վրա քսեք կրեմը, ապա շարեք ելակները: Կատարեք նույն գործողությունը ևս 2 անգամ:
Զարդարեք աղանդերը անանուխի տերևներով և վրան շաղ տվեք մի քիչ շաքարի փոշի: