Рости, миллий чемпионатимиз бу

йил қизигандан қизимоқда. Мана,
чемпионлик учун курашувчи
жамоалар секин-аста ажралиб
чиқишмоқда. Қувонарлиси,
стадионларимиз ҳам йилдан-
йилга ажойиб кўриниш ҳосил
қилмоқда. Мисол учун,
«Олмалиқ»нинг янги аренаси
кўзни қамаштиради.
У ерда яратилган шароитларга гап
йўқ. Мухлисларни стадионларга
қайтариш бўйича ҳам ишлар кўзга
ташланяпти. Хусусан, «Пахтакор»
клуби бу борада катта қадам
қўйди. Ютуқли лотерея ўйинлари
мухлисларни қизиқтирса,
ажабмас. Бу ғоянинг илк мевалари
ҳам кўринди.
Ҳарқалай, «Пахтакор» аренаси
анча гавжумлашиб қолди. 20 май
куни бўлиб ўтадиган
«Пахтакор»-«Навбаҳор» ўйинига
«Матиз» автомобили қўйилиши
эса мухлислар учун чинакам
«сюрприз». Қорақалпоғистонлик
оддий мухлис сифатида айта
оламанки, «Пахтакор» клуби
мутасаддиларининг ушбу оқилона
сиёсатлари эртага ўз мевасини
беради, албатта. Самвел Бабаянга
эса юксак чўққиларга чиқишни
тилайман. «Пахтакор» бунга
арзийдиган халқ жамоаси. Олға,
«шерлар»!