Предыдущая публикация
Колумбияда хизматчи ит ўз ҳаёти эвазига бутун бошли армия отрядини қутқариб қолди, деб хабар бердигенерал Луис Фернандо Рохас.
Унинг айтишича, қуруқлик қўшинлари қўмондонлиги Асабаче лақабли итнинг хатти-ҳаракатларини чинакам қаҳрамонлик деб баҳолаган.
Асабаче дарахтлар орасида мина топиб олган, бу жойдан ҳарбийлар отряди ўтиши лозим эди. Ит мина олдига ўтириб, вовуллаш билан ҳарбийларни огоҳлантирган. Сапёр минани зарарсизлантириш учун яқинлашаётганида тўсатдан портлаш содир бўлган. Натижада ит оғир яраланган, 30 ҳарбийдан бирортасига зарар етмаган.
Хизматчи ит мамлакат ғарбидаги Каука департаментига яқин Суарес муниципийида ҳарбий операция ўтказаётган бригадага берилган эди. Отряд Колумбия наркокартелларига қарши кураш олиб борилаётган ҳудудларда патруль хизматини ўтаётган эди.
Следующая публикация
Комментарии 1