ПАДАР

-----------------------
ПАДАР, ТО АЗ САРАМ РАФТӢ,
БА ДИЛ ДОҒИ НИҲОНАТ МОНД,
БА НАЗДИ КУЛБАҲОИ ПАСТАКАТ БОҒИ КАЛОНАТ МОНД.
ЧУ АШКИ ШАШҚАТОРИ ХОҲАРАМ АЗ ДИДАИ ҲАСРАТ,
БА ПЕШИ ХОНА ҶӮИ КАНДАВУ ОБИ РАВОНАТ МОНД.
БА ПАНДИ ХЕШ БАХШИДӢ БА МО РӮҲИ ҶАВОНМАРДӢ,
ПИСАРОНРО БА МОНАНДИ НИҲОЛОН ПАРВАРИШ КАРДӢ.
ТАДОРУК ДОШТӢ БАҲРИ ПИСАР ТО КИ АРУС ОРӢ,
ДАРЕҒО,ҶОИ ШОДИҲО БА ФАРЗАНДОН ҒАМ ОВАРДӢ.
ПАДАР, ЯК ҚИБЛАГОҲИ ОРЗУЯМ БУДИЮ ҲАСТӢ,
КУҶОӢ, ДАРДУ ДОҒАТ БО КӢ ГӮЯМ? ЧАШМИ ХУД БАСТӢ.
ТАЛОШАТ ЗАҲМАТИ ПАЙВАСТА БУДУ РИЗҚИ ФАРЗАНДОН,
ГАПИ ҲАҚ ДАР ЗАБОНАТ, РОСТӢ, БО ҲАҚ БУПАЙВАСТӢ.
ПАДАР БАҲРИ ПИСАР ЯК ДАВЛАТЕ БОШАД ХУДОДОДА,
ПАДАР ЧУН ЗИНДА АСТ, ИНРО НАФАҲМАД ОДАМИЗОДА.
ҒАМИ ДУНЁ БА РӮЗИ РАФТАНАТ АФТОД БАР ДӮШАМ,
ФИРОҚАТ ДАР ДИЛИ МАН ОҚИБАТ ГАРДИД ҒАМБОДА!
БА НУРИ МАЪРИФАТ БУДӢ ЧАРОҒИ МАХФИЛИ МАРДУМ,
САБАҚ МЕГАШТ ҲАР КОРАТ БА КИШТУ ҲОСИЛИ МАРДУМ.
ЧУ НАҚШИ ХОТИРИ ҲАМДЕҲАГОНАТ БО НАКӮКОРӢ,
ТУ ХОБӢ ЗЕРИ ХОКУ ЗИНДА ЁДАТ БАР ДИЛИ МАРДУМ .
БА ҲАҚҚИ ОН ҲАМА СИДҚУ ВАФОЮ ШАФҚАТУ ПАНДАТ,
БА ПОСИ ХОТИРИ НЕКАТ, БА ОН РӮҲИ БАРӮМАНДАТ.
БА КОРИ ХАЙР, СУДИ ХАЛҚ ҶӮЁ ГАШТА МОНАНДАТ,
КУНАМ СОБИТ, КИ ҲАСТАМ НУСХАИ ПОКУ ҶИГАРБАНДАТ!