Бошқача яшайман!

Бошқача яшайман эртадан бошлаб!
Қарорим қатийдир аҳд қилдим ростдан.
Бошқача бўламан, ўзгараман мен,
Хулосам шу эрур, қиламан қастдан!
Бошқача яшайман эртадан бошлаб!
Ҳаётнинг қаҳрига кулиб боқаман.
Ғийбату - иғвога парво ҳам қилмай,
Армоним оловга отиб, ёқаман.
Бошқача яшайман эртадан бошлаб!
Ёмон феъл - атворим аста ташлайман,
Юрак зулматига нурларни сочиб,
Хотиржам яшайман, кулиб яшайман.
Бошқача яшайман эртадан бошлаб!
Қандайин яшашни яхши биламан.
Мени ким гапириб, ғийбатим қилса,
Уларга қўл очиб, дуо қиламан!
Бошқача яшайман эртадан бошлаб!
Ғанимдан, ҳеч қачон олмайман ўчим.
Ҳатто душманимга тилайман умр,
Бошқача яшайман, етади кучим!