Tengsiz oshiqmanu, mashug'immassiz,

Suyib aytolmayman, qo'shig'immassiz.
Bo'g'zimga tiqilib nochoru sassiz,
Meni rash yig'latdi, Muhabbat emas.
Olov tovonida ezg'ilangan kul,
Siz hurga qo'shilib bo'lolmadim hur.
Dilim shoh istagin qilib qo'ygan qul,
Meni rash yig'latdi, Muhabbat emas.
Ketmang, yolvoradi ko'zlarim, qarang,
Ketmang, yolvoradi so'zlarim, qarang,
Rostga arzimadim, roziman, aldang,
Meni rash yig'latdi, Muhabbat emas.
Tiz cho'kib, bosh egdim dor qaydadir, yor,
Ishqingizda mendek hor qaydadir, yor.
O'ldirdingiz, o'ldim so'nggi so'zim bor -
Meni rash yig'latdi, Muhabbat emas