Аз дуои бад ҳазар кун чун, ки расвоят кунад, Бедару бехонаву беҷою маъвоят кунад.

Бо падар ё модари ғамхор макун ҷавру ҷафо, Гар дуои бад кунанд чоҳи бало ҷоят кунад. Уф магӯ андар ҷавоб бо волидайн, гуфто Худо, Гар бигуфтӣ дон Худо донаду расвоят кунад. Гар бихоҳӣ, ки Худо бахшад гуноҳони туро, Дур бисозад аз ҷаҳаннам дар биҳишт ҷоят кунад. Пас бирав бо волидайн эҳсон бикун бо хулқу мол, Чун шуданд розӣ Худоят чою масвоят кунад. Гу Худо аз волидайнам розӣ шав аз фазли хеш, Ин дуо лоики авфи зоти яктоят кунад.