Bir qo`lda beshik, bir qo`lda bolasi, Dard alam cheksa ham chiqmas nolasi. Hech qachon uzulmasdi mexr tolasi, Bu o`zbek ayoli, o`zbek onasi. Fayzidan xonadon orasta bo`lar, O`smalar qoshiga payvasta bo`lar. Gullar qo`llarida guldasta bo`lar, Bu o`zbek ayoli, o`zbek onasi. ..
Kimgadir yoqmabdi
g'amgin so'zlarim,
Zulmatdan quvonchning tongin
yasayman
Hayotni menchalik sevgan
bormikan,
Men faqat she'rimda g'amgin
yashayman.
Har joydan ezgulik izlab
topaman,
Orzuning ortidan tinmay
chopaman,
Ko'nglim ko'targanning izin
o'paman,
Men faqat she'rimda g'amgin
yashayman.
Yurakka begona qayg'u - alamlar,
Meni egolmaydi aslo sitamlar,
Hech kim kulolmaydi menday,
odamlar,
Men faqat she'rimda g'amgin
yashayman.
Menga azob bering, yig'lagan
nomard,
Xushchaqchaq dilimga
yuqtirmayman gard,
Kulib qarshi olgum, kelganda
ham dard.
Men faqat she'rimda g'amgin
yashayman.