СЕН БАҲОРНИ СОҒИНМАДИНГМИ?

Қалдирғочим, очақол бағир.
Менсизликда оғринмадингми?
Сени қанча соғиндим ахир,
Сен баҳорни соғинмадингми?
Ёмғиргинам келоқол энди,
Кеч кузгача қолақол энди.
Юрагимга ёғақол энди.
Сен баҳорни соғинмадингми?
Соғиндимку сени бойчечак,
Қаҳратонда соврилмадингми?
Мен ҳам сени соғинганимдек,
Сен баҳорни соғинмадингми?
Юракларда орзиқиб ҳавас,
Гул ифордан бўлиблар сармаст,
Кўкракларга тўлдириб нафас,
Сен баҳорни соғинмадингми?
Синглим, қара гуллабди бодом,
Бўйларига сен тўймадингми?
Сени баҳор соғинди мудом,
Сен баҳорни соғинмадингми?