"Барселона" клуби ҳимоячиси Карлес Пуйоль асосий рақиблари "Реал" клуби ҳали курашда давом этишини таъкидлаб ўтди.

"Агарда осон таслим бўладиган жамоа бўлса ҳам, у "Реал" эмас! Улар охирига қадар кураш олиб борадилар.
Худди шундай ҳолат икки йил олдин рўй берган эди. Ўшанда биз "Реал"дан 12 очко ўзиб кетгандик, аммо оқибатда мусобақа тақдири "Бернабеу"даги ўйинда ҳал бўлган.
Бунинг устига "Реал"да Моуриньодек ажойиб мураббий бор. У жуда кўп мусобақаларда ғолиб бўлган. Шунинг учун биз турнир жадвалидаги ҳолатни унутиб, бор кучимизни курашга қаратишимиз лозим", дейди Пуйоль