Предыдущая публикация
Гум шудан ва нагирифтани бағоҷ: 1191 шикоят аз фурудгоҳи Душанбе
Барои наомадан, осеб дидан ва гум шудани бағоҷҳо ба фурудгоҳи Душанбе 1191 эрод ворид шудааст.
Дар ин бора дар равобити умумии "Фурудгоҳи байналмиллалии Душанбе" хабар дода шудааст.
Гуфта мешавад, ки оид ба наомадан, осеб дидан ва гум шудани бағоҷҳо 1191 эрод ворид шуд, ки назар ба соли 2016 – 202 эрод ё 20,4 % зиёдтар мебошад. Аз онҳо 1172 эрод қонеъ гардонида шуд ва 19 эрод дар марҳилаи баррасӣ қарор дорад.
Ҳамчунин дар давраи ҳисоботӣ ба 5549 рейсҳои доимӣ хизмат расонида шудаааст, ки назар ба соли 2016 89 рейс ё 1,6 % зиёдтар мебошад.
Соли 2017 теъдоди ҳодисаҳои ба таъхир гузошташавии парвозҳо дар Фурудгоҳи байналмилалии Душанбе (ФБД) 1296 ададро ташкил дод, ки назар ба соли 2016 – 339 парвоз ё 35,4% зиёдтар мебошад.
Ба гузориши манбаъ, сабабҳои асосии ба таъхир гузошта шудани парвози ҳавопаймоҳо дар фурудгоҳи Душанбе чунинанд: дер омадани ҳавопаймо аз фурудгоҳи макони парвоз – 904 ҳолат, дахолати ширкатҳои ҳавопаймоӣ (иваз кардани ҳавопаймо ва экипаж, бақайдгирии иловагӣ ва супориши намоянда, тағйирёбии парвозҳо ва ғайра) – 230 ҳолат, номусоидии обу ҳаво – 65 ҳолат, ҷорӣ будани реҷа – 24 ҳолат ва ғайра.
Гуфта мешавад, соли 2017 Фурудгоҳи байналмилалии Душанбе ба 1,3 млн. нафар мусофир хизмат расонидааст, ки нисбат ба соли 2016 — 148,8 ҳазор ё 12,7% зиёдтар мебошад.
Дар давраи ҳисоботӣ ба 5549 рейсҳои доимӣ хизмат расонида шуд, ки назар ба соли 2016 89 рейс ё 1,6 % зиёдтар мебошад.
Зимнан зикр мегардад, ки соли 2017 миқдори умумии бор ва почтаи аз ҷониби анбори тиҷоратии фурудгоҳи Душанбе қабулгардида ва интиқолдодашуда — 2473,0 тн.-ро ташкил дод, ки назар ба соли 2016 153,0 тн. ё 6,6 % зиёдтар мебошад.
Миқдори маҳсулоти кишоварзии аз ҷониби анбори тиҷоратии фурудгоҳи байналмилалии Душанбе қабулшуда дар соли 2017 — 219,9 тоннаро ташкил дод, ки нисбати соли 2016 — 100,6 тн. ё 84,2% зиёдтар аст.
Следующая публикация
Нет комментариев