ՉԵԼՍԻԻ ԵՐԿՈՒ ՖՈՒՏԲՈԼԻՍՏՆԵՐԻ ՇՈՒՐՋ ՅՈՒՎԵՆՏՈՒՍԸ ԲԱՆԱԿՑՈՒԹՅՈՒՆՆԵՐ Է ՍԿՍԵԼ

Թուրինի «Յուվենտուսը» մտադիր է ձեռք բերել «Չելսիի» միանգամից երկու ֆուտբոլիստների: Ինչպես հայտնում է «Daily Mail»-ը, «ծեր սինյորան» ցանկանում է իր կազմում տեսնել կիսապաշտպաններ Խուան Կուդրադոյին ու Ռամիրեսին, և այդ կապակցությամբ արդեն համապատասխան տրանսֆերային հարցում է կատարել:
Ի դեմս Կուադրադոյի «Յուվենտուսը» տեսնում է «Շալկեի» կիսապաշտպան Յուլիան Դարքսլերի այլընտրանքին, իսկ Ռամիրեսի օգնությամբ հույս ունի փոխարինել թիմից հեռացած Անդրեա Պիրլոյին և Արթուրո Վիդալին:
Նշվում է, որ «Չելսիի» գլխավոր մարզիչ Ժոզե Մոուրինյոն պատրաստ է բաժանվել կոլումբացու հետ, բայց մտադիր է թիմում պահել բրազիլացուն: