ՌՈՒՍ ԱՄԵՆԱԲԱՐՁՐ ՎԱՐՁՐԱՏՐՎՈՂ ՖՈՒՏԲՈԼԻՍՏԸ ՀԱՄԱՁԱՅՆՈՒԹՅԱՆ Է ԵԿԵԼ ԶԵՆԻԹԻ ՀԵՏ

Մոսկվայի «Դինամոյի» հարձակվող Ալեքսանդր Կոկորինը, ով մեկ տարի անց կարող է ազատ խաղացողի կարգավիճակ ստանալ, օրերս Սանկտ Պետերբուրգում բանակցություններ է վարել «Զենիթի» հետ:
Ինչպես հայտնում է «Спорт день за днем»-ը, 24-ամյա ֆուտբոլիստը պետերբուրգցիների հետ պայմանավորվել է անձնական պայմանագրի հարցում, ըստ որի նրա աշխատավարձը տարեկան կկազմի 4,5 միլիոն եվրո: Նույնքան նա ներկայումս ստանում է «Դինամոյում»:
Ըստ աղբյուրի տեղեկության, Կոկորինի հրաժարագինը կազմում է 20 միլիոն եվրո, և ի սկզբանե Զենիթը մտադիր էր հարձակվողին հրավիրել հաջորդ տարի, սակայն Ռուսաստանի չեմպիոնների հարձակվող Սալոմոն Ռոնդոնի` «Վեսթ Բրոմվիչ» տեղափոխությունից հետո նրանք ստիպված են եղել վերսկսել Կոկրինի հետ բանակցությունները: Այժմ «Զենիթը» մտադիր է նվազեցնել մոսկվացիների պահանջած տրանսֆերային գինը:
Հիշեցնենք, որ Կոկորինն ամենաբարձր վարձատրվող ռուս ֆուտբոլիստն է: