http://www.kirovsk.by/2019/05/kali-rabota-lyubimaya-yana-zaўsyody-ў-radasc-lichyc-nastaўnik-fizichnaj-kultury-i-zdaroўya-z-kiraўska-alyaksandr-karankevich/
— лічыць настаўнік фізічнай культуры і здароўя з Кіраўска Аляксандр Каранкевіч
Падмурак да трываласці здароўя і добрага самаадчування чалавека закладваецца з ранняга дзяцінства з дапамогай заняткаў фізкультурай і спортам. Прыцягнуць дзяцей да гэтага, развіць у іх цікавасць і прыхільнасць да здаровага ладу жыцця — такія задачы кладуцца на плечы іх педагогаў і асабліва — настаўнікаў фізічнай культуры і здароўя.
На Кіраўшчыне працуе шмат таленавітых педагогаў-фізкультурнікаў, сапраўдных прафесіяналаў сваёй справы. У іх ліку — настаўнік СШ №1 Аляксандр Каранкевіч. Любоў да заняткаў любой добрай справай, як лічыць сам Аляксандр Сяргеевіч, павінна пачынацца з сябе, тады ёю можна зацікавіць і іншых — гэта свайго роду яго педагагічнае крэда. Фізічная культура і спорт у гэтым плане не выключэнне.
Урокі фікультуры ў яго былі любімымі ў школе. І тут не апошнюю ролю адыграў настаўнік Барыс Гаўрыленка. Таму пасля школы ў Аляксандра не было роздуму, кім стаць у будучым. А праз пяць год вучобы ў Магілёўскім дзяржаўным педуніверсітэце імя А.А.Куляшова і службы ў арміі Аляксандр Каранкевіч у роднай школе пачаў сваю прафесійную дзейнасць, якая доўжыцца ўжо 16-ты год. Працуе поплеч са сваім настаўнікам Барысам Гаўрыленкам. Цяпер ужо разам з калегам робяць агульную справу.
Кіраўніцтва школы характарызуе Аляксандра Сяргеевіча як адказнага, творчага работніка, выдатнага спецыяліста. Веданне прадмета, валоданне методыкай выкладання дапамагае яму вырашаць падчас правядзення ўрокаў з рабятамі адукацыйныя і выхаваўчыя педагагічныя задачы. Сіла, вынослівасць, гібкасць, хуткасць, каардынацыя руху, трапнасць
— гэта толькі некаторыя з неабходных у жыцці кожнага з нас якасцей, якія школьнікі развіваюць на ўроках фізічнай культуры і здароўя Аляксандра Каранкевіча. Яны вызначаюцца творчым падыходам, неардынарнасцю, разнастайнасцю форм і метадаў. Заняткі будуюцца такім чынам, што падчас іх правядзення, да прыкладу, можа стварацца сітуацыя, якая патрабуе ў рабят узаемадапамогі і ўзаемавыручкі, а гэта ўжо выхаванне настойлівасці, сілы волі.
Вучні СШ №1 займаюць прызавыя месцы ў раённай спартакіядзе школьнікаў. Выхаванцы А.С.Каранкевіча — пастаянныя ўдзельнікі практычна ўсіх раённых спартыўных спаборніцтваў, не аднойчы прадстаўлялі наш раён на абласных.
Аляксандр Каранкевіч не абмяжоўваецца толькі прафесійнай дзейнасцю. Ён — актывіст па жыцці. Ва ўстанове адукацыі, дзе працуе, не першы год узначальвае прафсаюзны камітэт, што пацвярджае давер і павагу з боку калег.
Паважаюць Аляксандра Сяргеевіча і жыхары райцэнтра. З’яўляючыся дэпутатам раённага Савета дэпутатаў 26-га склікання, ён займаўся грамадскай работай, удзельнічаў у вырашэнні праблемных пытанняў, якія хвалявалі выбаршчыкаў. Як сведчанне адказнага стаўлення да абавязкаў, кіраўчане зноў аказалі Каранкевічу давер і абралі яго дэпутатам у другі раз.
А яшчэ герой гэтых радкоў — выдатны сем’янін, любячы муж, клапатлівы бацька. Жонка Вольга Аляксандраўна, юрысконсульт Кіраўскага харчовага камбіната, сын-сямікласнік Багдан і дачушка-дзятсадаўка Сабіна — гэта надзейны тыл Аляксандра Сяргеевіча. Любімая сям’я, любімая работа — ці ж гэта не шчасце?..
Аляксандр ХАХЛОЎ.
Фота аўтара.
https://www.kirovsk.by/duxovnost/raspisanie-pashalnyh-bogosluzhenij-i-osvyashhenie-kulichej-v-kirovske/
https://www.kirovsk.by/profsoyuzy/1-maya-%d1%9eshanavali-lepshyh-pracza%d1%9eniko%d1%9e-apk-kira%d1%9eshchyny/
https://www.kirovsk.by/obshhestvo/delegaty-vii-vns-ot-kirovskogo-rajona-o-svoyom-izbranii-v-konstituczionnyj-organ-strany/
https://www.kirovsk.by/obshhestvo/na-kirovshhine-ogranichat-dvizhenie-v-svyazi-s-velosipednymi-gonkami/
https://www.kirovsk.by/obrazovanie/kirovchanka-pobeditel-respublikanskogo-konkursa/
https://www.kirovsk.by/profilaktika_bezopasnost/v-kirovske-proizoshyol-pozhar-v-obshhezhitii/
https://www.kirovsk.by/v-strane-i-mire/zaderzhan-narkozavisimyj-ekstremist-s-arsenalom/
https://www.kirovsk.by/profilaktika_bezopasnost/s-15-aprelya-po-1-maya-po-vsej-strane-prohodit-respublikanskaya-pozharno-profilakticheskaya-akcziya-za-bezopasnost-vmeste/
https://www.kirovsk.by/obshhestvo/11-krasavika-adznacha%d1%9esya-mizhnarodny-dzen-vyzvalennya-vyaznya%d1%9e-fashysczkih-kanczlagera%d1%9e/
Присоединяйтесь к ОК, чтобы подписаться на группу и комментировать публикации.
Нет комментариев