Apple 25-sentabrdan boshlab dastlabki dam olish kunlarida 13 million dona iPhone 6s va 6s Plus sotishga muvaffaq bo‘ldi.

Bu o‘tgan yilgi ko‘rsatkichga qaraganda, 3 million donaga ko‘pdir. Kompaniyaning o‘zi buni rekord ko‘rsatkich, deb baholadi. Bu haqda Look at me xabar bermoqda.
Foto: Look at me
“iPhone 6s va iPhone 6s Plus favqulodda ajoyib smartfonlardir. Har ikkisi ham Apple tarixida ilgarigi mahsulotlarga qaraganda dam olish kunlari eng ko‘p sotilgan mahsulot sifatida qayd etildi”, — dedi kompaniya rahbari Tim Kuk.
Shu o‘rinda eslatib o‘tmoqchimiz, yangi iPhone’larning joriy yil 9-sentabrida San-Fransiskoda taqdimoti bo‘lib o‘tgan, 25-sentabr, juma kunidan boshlab, jahonning o‘nta davlatida sotuvi yo‘lga qo‘yilgan edi.