«Мон тодам ваисько»

Огез бӧрсьы огез дуно аръёс лобо,
Малпан бӧрсьы малпан йырам лыктэ.
Ӵем гинэ син азям суредъёс пуксьыло,
Гуртэлэсь чеберзэ возьмато.
Ужамы ми колхоз бусыын,
Ароматерапиез ортчылӥм лудъёсын.
Шулдыр кырӟанъёс кырӟаса,
Турнам турынез ветлӥмы люкаса.
Етӥн октыны бусые вуылӥм,
Колхозлы юрттоно ӝог гинэ шуылӥм.
Етӥнэн чуръёс кыдёке кыстӥсько,
Керттэм берамы липетъёс кадь сыло.
Бадь пуын Кивар шур жильыртэ.
Со котыр ошмесъёс потыло поръяса.
Пазяськыса бызьылӥм шур кузя,
Паймоно кадь чебер интыос адӟыса.
Шудонэн шудыны дыр шедьылӥз,
Жингырес куараос урамын кылӥськиз,
Гуртэтӥ бызьылӥм ватскемен шудыса,
Пеймыт уй но юрттӥз милемлы гажаса.
Лиял губиез но коньы губиез
Пичи сикысь вайылӥм.
Боры, узы, эмезь бичаны
Котьку эшъёсын вуылӥм.
Тол ке лыктэ куас вылэ султылӥм,
Ӝужыт гурезь йылысь лобаса васькылӥм.
Салазкиосыз гозыен керттыса,
Поездын мынӥськом шуыса шумпотӥм.
Пинал дыр номырин воштонтэм,
Гурт палась омырез тодмано,
Сюлэм потымон мӧзмоно,
Пумиськон нуналэз возьмано.
Мынам вордскем гуртэ
Улонъяз чебертӥське.
Мылкыдме кизем бусыос шумпотто.
Гуртоос, тӥледын данъяськисько.
Быкова (Маркова) Н.В.