СОҒИНЧ ВА ТАЛАБ

Ўн олти йиллар бурун, бир нурли замон
Сидней рингларида порлаган хотир -
Рақибини мағлуб этгани ҳамон
Сажда қилган эди Муҳаммадқодир.
Мана, йиллар ўтди, Рио томондан
Дунё қарши олди янги достонни -
Ҳасанбой йиғлади ва шу замонда
Йиғлатди бизни ҳам, Ўзбекистонни...
Ҳаддан зиёд узоқ кечди соғинчим,
Таърифга баъзида тополмам сўзни.
Андижон, бор сендан битта ўтинчим —
Энди ўн олти йил куттирма бизни!