Ин лаҳзаҳо таронаи охиринамро,ки ба ману ту таалуқ дошт баён медорам ва хотираҳоро
саҳифагардонӣ мекунам.Ҳамаи носозгориҳои
қисматро пеши назар меорам ва аз он рўзҳои сангин танҳо хотираҳои нохуш дар ман боқӣ
монда…
Боз баъзан ҳолатҳои гузашта бароям
норавшан аст ва бо чароҳои зиёде ба хеш суолҳои пай дар пай медиҳам,аммо он ҳама суолҳои қисмат бепосух мемонанд.Намехоҳам боз аз он олами пуртуғёни ишқ ҳарф бизанам,зеро бароям ногувор аст.Танҳо симои ту каме пеши назар меояд ва дар он симо бемеҳрии туро эҳсос мекунам.Нигоҳҳои фитнаю суханони бофтаи ту ҳоло бароям равшан аст,чун он ҳама хотираҳо бозгўи ҳамин андешаҳоянд.Ба ту на ба худ нафрин дорам,зеро дар интихоб иштибоҳе кардам,иштибоҳи қисмат,иштибоҳи ишқ,ки
ин бароям нокомӣ овард.Шояд ин лаҳзаҳо маро мешунавию аз суханони ошиқонаи ман ифтихоре дорӣ,ки тавонисти маро дар ҷодаи ишқ нокомам бикунӣ? Аммо бидон он эҳсоси ширину гуворо,ки замоне чунин мешмурдам дар қалбам боқӣ намондааст ва дар ин шабҳои тулони аз Худои хеш илтҷо мекардам.Қатраҳои ашк,ки ин пайваста ҳамроҳиям мекард, акнун аз ман дур рафта.Ҳоло бошад хушиҳое насибам аст,бигузор он то абад дар ман боқӣ бимонад.
Бигузор он олами сўзу фироқ дигар то
вопасини умрам барнагардад.Ёдаш ба хайр!!!
Ёди он оламе,ки бароям дар рўзгор хўшие наовард.Ӯро дар рўзгори ҷовидониям
падрудаш гуфтам. Бирафт он ҳама нохушиҳои рўзгор ва маро дар оғӯши хеш бигир эй рўзгори навину гуворои ман.Акнун то вопасини умрам туро парастиш мекунам ва туи умри ҷовидонаам.
Зиндагӣ бо меҳр,муҳаббат ва садоқату рафоқат ширину гуворо аст.Аммо лаҳзаҳое,ки бо ҳам будем ин муносибатҳоро аз ту эҳсос накардам,вале боке нест,чун бо ин гуна иртиботҳо наметавон бо ҳам буд.Албатта кас,ки солиму комил аст дар зиндагӣ
ҳамсафари хешро пайдо хоҳад кард.Ҳоло бошад аз ҳастии худ меболам ва ҳар он чизе,ки мекунам баҳри хушнудиам мебошад.Дигар аз он розҳои ошиқона ҳарф нахоҳам зад,зеро аз қалбам оҳиста-оҳиста берун меравад.
Дигар нигоҳҳои туро ба ёд намеорам,зеро он ҳама дурўғ буданд,дигар ба он олами
нопайдоканори ишқ бовариам намеояд,чун акнун бароям бегона аст ва дигар бароят намегирям,зеро ашк дар ман намонда…
Присоединяйтесь к ОК, чтобы подписаться на группу и комментировать публикации.
Нет комментариев