Ён дафтаримдаги битиклардан… 1.

Йиқилган жангга тўймас.
2.Нимагадир бўғилиб кетдим, аудиториядан чиқдим…. Тоза ҳавога… Ҳаяжонланаётганга ўхшайман, ахир менинг ишларимни текширишга келишяпти. Ҳазил гапмас.
3.Бир кун келиб албатта дам оламан, фақат бугунмас.
4.Афсус, яна палапартиш ишларимни бошладим.
5.Баъзи одамлар ҳаддан зиёд тўғри яшаётганга ўҳшашади назаримда.
6.Фақат сен.
7.Аёлларга маслаҳат мақоласини ёзиб тугатиш…
8.Оиланг ўша ерда бўлгандан кейин, ўша макон сенга қадрдон бўлиши табиий.
9.Биласанми, нимага биз сен билан турли хил одамлармиз. Сен кўпчилик билан мулоқотда бўлишни ёқтирасан, мен эса фақат бир кишини танлаган бўлар эдим.
10. Бундай кетишда жинни бўлиб қолмасам бўлгани.
11.Сессияни ёпиб олай, мазза қилиб сомса пишираман.
12.Ҳаётда қанчалик кўп яшасанг, шунчалик кўп яшашда давом этгинг келар экан.
13.Хафа қилдим, яқин ўртоғим-у, аммо узр сўраш қўлимдан келмаса нима қилай…
14.Ҳаётда, сен кутмаган воқеалар бўлар, хаёлингга келмаган инсонлар йўлингга тўсиқ бўлиши мумкин экан.
15.Бугунча мард бўлай, бугунча йиғламай. Эртага майли. Фақат бугун эмас.
16.Нимага севган ишим, севган инсонларим учун вақт топа олмаяпман-а? Охирги марта яқин дугонам билан учрашган кунимни ҳам эслай олмайман.
17.Айтимку, ҳаммаси яхши бўлади деб, мана ва ниҳоят бўлди. Сизни билмадим-у, аммо менинг орзуларим доим ушалади. Чунки мен уларга ишонаман.
18.Эртага расм чизаман, албатта…
Баҳор яшариш, янгиланиш фасли, сизга кириб келаётган баҳор фасли бахт олиб келишини тилаб қоламан. Шу билан бирга севимли инсони бўлмаганларга ўз жуфтини айнан шу фаслда топишига тилакдошман. Севгига тўла фасл баҳор муборак.