Джинсы тарихидан маълумотлар

1.Одатда джинсы қилинадиган мато “деним” дейилади, французчадан таржима қилинганида “Нимдан ясалган” деган маънони билдиради. Ушбу матонинг сири, толаларнинг ўзига хос тўқилишидадир: Ташқи томондан ип бўялган бўлиб, ички томони бўялмаган бўлади. Ушбу хусусият, бизга ранг билан ўйнаш ва стиль мухлисларини ўзига жалб қиладиган, “башанг ишқаланиш” натижасини беради. Кўпгина маркалар джинс шимларининг шиори ҳам шунга мос равишда жаранглайди :”уларни қанча узоқ кийсангиз, улар шунчалик чиройли туради”.
2.Джинс матосининг классик бўёғи – индиго. Аввал, индиго бўёғи кулда аралаштирилган. Шунинг учун ҳам, бу йўсинда бўялган мато қиммат эмасди, яъни, фақатгина оддий аҳоли учун яраган эди.
3.“Джинсы” сўзининг келиб чиқиш версияларидан бири қуйидагича. Ишчи кийимни тикиш учун ишлатиладиган мато (шу жумладан деним ҳам), сув орқали Италиянинг Генуя портидан олиб чиқилган, бу сўз эса, итальянча талаффузда “джинсы” сўзи билан оҳангдош бўлган “Дженова” дейилган.
4.“Джинсы” ларнинг илк келиб чиқиш версияси, XVI аср инглиз порт китобларида қайд этилган: кейинчалик у “деним” номини олган, Генуя портидан Буюк Британияга мато олиб кирилган, улардан шим тикилиб, бутун Овропа бўйича “джейин” ёки “джин” номи билан сотилган.
5.Бошқа – французча версия қуйидагича эди. 1750 йилда, Джон Холкер деган кимса, “Францияда текстиль саноатининг намуналар китоби”ни яратган, у ерда замонавий джинс шимларига ўхшаб кетадиган шимларнинг 8 нусхаси акс эттирилган ва тасвирланган.
6.Бугунги кунда, арзон мустаҳкам мато, қулай демократик фасон ва ёқимли универсал рангни бирлаштиришни ўйлаб топган улуғ истеъдод деб, катта еврейлар оиласида, Баварияда таввалуд топган, 1829 йилдан эса, АҚШ фуқоросига айланган, Леви Страусс ҳисобланади. 1853 йил март ойида ёш Леви опаси Фенни, ва унинг эри – мануфактура сотувчиси Дэвид Штерн таклифлари билан, олтин лихорадкаси билан забт этлган Сан-Францискога кўчиб ўтди. Поччаси илтимоси билан, Леви палаткалар учун, бир даста матолар олиб келди. Жойга етиб боргач, уддабурон Страусс, олтин қидирувчиларнинг асосий муаммоси бўлиб … шим эканини тез тушуниб олди. Леви ўзи олиб келган брезентни ишга тушурди ва маҳаллий тикувчига “тепаси йўқ комбинизонлар” (Леви ўз маҳсулотларини шундай деб атаган)нининг биринчи партиясини буюрди.
7.Страусслар фирмасидан матоларни сотиб олувчи, невадалик тикувчи Джакоб Дэвис, 1872 йилда, Левига хат юборди,у ерда шимларни оригинал тарза тикиш тўғрисида ёзди: энг кўп оғирлик тушадиган жойларга – чўнтаклар бўрчаклари ва гульфикларга, Дэвис заклёпкалар тикиб қўйган. Ўз ихтиросини патентлаш учун пули етмаганлиги сабабли, буни Левига таклиф этди. 1873 йил 20 май куни, Страусс ва Дэвис, патент эгалари бўлишди, уларнинг ихтироси эса, мисли заклёпкали бўлишди ва бизга жуда таниш бўлган, 5 чўнтакли кўринишга эга бўлди.
8.1941 йилда джинсларнинг ташқи кўринишига, каттагина ўзгартириш киритилди. Чов қисмидаги заклёпкани олиб ташлашга аҳд қилинди.
9.Иккинчи Жаҳон уруши давомида, джинс шимлар АҚШда алоҳида машҳурликка эга бўлди. Хатто улар фақатгина урушда қатнашганларга сотилган дейишади.
10.50 йиллар охирларида, ишчи шимларнинг амалий жиҳатидан қулай ва демократиклилигига “Битлз” гуруҳининг гуруси, Джон Озборн аҳамият берган. “Битлз” образили тўлдириб турган, джинс шимлар, ёшлар маданиятига кириб бориб, мактаб ва офисларда кийиш ман этилганига қарамасдан, тез суръатда оммавийлашиб борди.
11.1958 йилда бўлиб ўтган, Ёшлар ва талабаларнинг халқаро Фестивали туфайли, СССРда илк бора джинс шимларни кўришган. Чет эл янгилик, совет ёшларига хуш келди. Бироз вақт ўтганидан кейин, СССРда янги “фарцовщик” тушунчаси пайдо бўлди. 1960 йилда Рокотов ва Файнберг олиб сотарлари, валюта операциялари учун юқори даражадаги жазо олдилар. Джинс шимларни олиб сотиш, айблашнинг пунктларидан бири ҳисобланган.
12.Ҳақиқий идеологик рамзига джинс шимлар, джинс модасини бойитган, “хиппи”лар ҳаракати туфайли айланди. 70 йилларда шимлар бисёр, кўзлар, тошлар, каштачилик билан безатила бошланган. Ушбу ғоялар, бугунги кунга қадар ҳам, ноанъанавий машҳур бўлиб қолди.
13.Джинс шимларни фигурасига қараб танлаш муаммоси АҚШликларда аллақачон қолмаган. Энди дўконнинг ўзида, ўз ўлчовларни компьютерга киритиб, энг тўғри келадиган нарсани танлаб, фабрикага буюртмани юборади. Уч ҳафтадан кейин, шахсий джинс шимларингиз таййор бўлади ва дўкон нархидан атиги 10 доллар қиммат бўлади.
14.Подиумга джинс дарров тушиб қолмади. 60 йиллар охирида, Луи Ферро, батамом кўз билан безатилган, “денимдан тикилган шимларни” муваффақиятли равишда намойиш қилди. Натижада, джинс стили, кўпгина модельерлар учун илҳом манбаси бўлиб қолади. Александр Маккуин, Карл Лагерфельд ёки Жан-Поль Готье асарлари бунга яққол мисол бўла олади. Айтганча. Деярли ҳар бир ғарбий дизайнер бугунги кунда, денимдан ясалган маҳсулотларнинг “шахсий” линиясига эга.
15.Яқинда жаҳон модасида янгилик пайдо бўлди – рус номи остида джинслар. Ушбу ишнинг усталари бўлиб, Валентин Юдашкин ва Алексей Греков бўлдилар.