Предыдущая публикация
Хайр демоқ учун киприк қоқмайсан,
Изимдан чиқасан илк саҳар пайти.
Сен мени ҳеч қачон унутолмайсан,
Мен сени ҳеч қачон кўрмайман қайтиб.
Мунгли нигоҳимдан кўзим олмайман,
Оҳ, Худойим, дейман зоримни айтиб.
Мен сени ҳеч қачон унутолмайман,
Сен мени ҳеч қачон кўрмайсан қайтиб.
Зангори сувлари сирли мавжланган,
Сайр қилганимиз-кўрфазни дайдиб.
Мен энди ҳеч қачон унутолмайман,
Мен энди ҳеч қачон кўрмайман қайтиб.
Ғамгин шабодада титрайди бесас,
Умидсиз қарағай кўзин қорайтиб.
Қайтмоқлик-яхшилик аломатимас,
Мен сени ҳеч қачон кўрмайман қайтиб.
Қайта яшамоқлик насиб этса гар,
Таъкид айлагандек хофизнинг байти-
Бизни кутгай яна фироқ муқаррар,
Мен сени ҳеч қачон кўрмайман қайтиб.
Айро дилларимиз низоси мубҳам,
Қиёс айлаганда бамисли учқун.
Ҳажр оташи-ла кўринган уфқда
Фано даштидаги икки қалб учун.
Юксак фалакларга бир нола билан
Ўрлар гирён юрак видоси, қайди:
Мен сени ҳеч қачон унутолмайман,
Мен сени ҳеч қачон кўрмайман
Следующая публикация
Нет комментариев