Бошларга кўтариб аҳмоқ нодонни,

Доноларга тошлар отган ўзимиз.
Очкўзга яратиб бериб имконни,
Еб қўйди деб уввос тортган ўзимиз.
🍂🍂
Бизку лафзи йўқдан мурувват кутиб,
Яна унга такрор ишониб юрган.
Ҳақиқатпешани тилидан тутиб,
Минбардан тушириб дарралар урган.
🍂🍂
Адолат изладик адолатсиздан,
Одилни тош билан қарши олганмиз.
Замин ҳам ҳайрондир қилмишимиздан,
Замонни ҳам бизлар ҳайрон қилганмиз.
🍂🍂
Тош ойнага боқсак ҳар тонг саҳарда,
Унда одамийзод наслик кўрамиз.
Одамийлик ҳисси қолиб наҳорда,
Шомгача шайтонла улфат қурамиз.
🍂🍂
Биз сўлга юрамиз ўнгни кўрсатса,
Биз лабни бурамиз йўлни ўргатса.
✍ Абдухалил Абдурашид.