Artel kompaniyasi yangi smartfonining taqdimotiga tayyorgarlik ko‘rmoqda

Artel’ning rasmiy saytida kompaniya yangi smartfonini taqdim etishga tayyorgarlik ko‘rayotgani haqida ma’lumot paydo bo‘ldi. Saytdagi bannerda “Aqlli telefon. Tez kunda” deb yozilgan.
Balki, kompaniya Yangi yil bayramigacha yangi smartfonini taqdim etishi mumkin. Ushbu smartfon 4 yoki 8 yadroli protsessor, 13 megapikselli kamera, NFC funksiyasiga ega bo‘lishini taxmin qilsa bo‘ladi, deb yozadi Mobinfo.uz sayti.
Kompaniyaning so‘nggi taqdim etilgan smartfonlari Artel P1 va Adi 5S hisoblanadi. Kompaniyaning internet do‘konida Artel P1 smartfonini 532 ming so‘mdan xarid qilish mumkin.