«Ливерпуль» сафарда «Тоттенхэм»ни йирик ҳисобда мағлуб этди

Рукн: Янгиликлар » ЕВРОПА
Англия Премьер-лигасининг 3-туридан ўрин олган “Тоттенхэм” ҳамда “Ливерпуль” жамоалари ўртасидаги учрашув якунланди. Унда Брендан Рожерс шогирдларининг қўли баланд келди.
“Ливерпуль” мухлислари бу ўйинни интизорлик билан кутишган бўлса-лар ажаб эмас. Ахир бу Ўйинда СуперМарио ўзининг “қизиллар“ сафидаги дебют ўйинини ўтказиши лозим эди. Биринчи бўлимнинг 8-дақиқасидаёқ Рахим Стерлинг меҳмонларни ҳисобда олдинга олиб чиқди. Дастлабки таймда Балотеллида ажойиб вазият бўлди, бироқ, Марио узоқ масофадан бўш қолган дарвозани ишғол қила олмади.
Иккинчи бўлимнинг учинчи дақиасида Жо Аллен ўз жамоаси учун пенальти ишлаб берди ва уни жамоа сардори Стиви Жи бехато амалга оширди ҳамда ҳисобни 0:2 кўринишга олиб келди. 60-дақиқасида Морено ўзининг ажойиб кроссини чиройли зарба билан якунлади ва орадаги фарқ йириклашди. Учрашув охирига қадар “Ливерпуль” ҳотиржамлик билан ўйинни ўз назорати остида ушлади ва устунлигини сақлаб қолди.
Демак, ”Ливерпуль” мазкур ғалаба эвазига 6 очко тўплаб, мусобақа жадвалида тўртинчи ўриндан жой олди. “Тоттенхэм” эса бешинчи поғона банд қилиб турибди.
Англия чемпионати. 3-тур
Тоттенхэм – Ливерпуль 0:3 (0:1, 0:2)
Голлар: 0:1 – 8 Стерлинг, 0:2 – 49, пенальти Жеррард, 0:3 – 60 А.Морено.
Тоттенхэм – Льорис, Дайер, Вертонген, Роуз (Дэвис, 72), Кабуль, Эриксен (Таунсенд, 59), Капу, Бенталеб (Дембеле, 59), Шадли, Ламела, Адебайор.
Ливерпуль – Миньоле, А.Морено, Ловрен, М. Сако, Манкильо, Хендерсон, Аллен (Жан, 61), Стерлинг, Жеррард, Балотелли (Маркович, 61), Старриж.
Огоҳлантиришлар: Аллен (27), Манкильо (37), Стерлинг (74).