Өткөн күнүм алыстаар

Бүгүн өтсө эртеңки күн кайрылаар,
Сени күтүп өткөн күнүм алыстаар.
Сүйүү сезим кала берип жүрөктө,
Билиндирбей жүрөгүмдү жаралаар.
Жылдар өтүп жаштык мененден алыстаар,
Махабаттын күчү келбей кайышаар.
Мен ошондо жаштык кезди бир эстеп,
Атаганат жаштык кезим сагынтаар.
Улгайганда ал жаштыкты жашыраар,
Бетте бырыш жүзүмдү ал карытаар.
Карысам да бала бойдон калаармын,
Жүрөгүмдөн сүйүү кетпей сагынтаар.