Italiya poytaxtida Rimning Sapiensa universiteti professori, Tadqiqotlar va barqaror rivojlanish universitetlararo markazi Kengashining a'zosi Magda Pedachening La Musica e la Memoria nimli kitobining taqdimoti bo'lib o'tdi, deb xabar bermoqda "Jahon" axborot agentligi.

Foto: libreriadelnovecento.it Italyan tarixchilari va ularning O'zbekiston Fanlar akademiyasidagi hamkasblarining ko'p yillik hamkorligi samarasi bo'lgan ushbu kitob turli xalqlarni birlashtiruvchi omil bo'lib xizmat qiluvchi madaniyatning roliga bag'ishlangan.
Kitobda O'zbekiston hududidan topilgan qadimgi Rim tangalari, Italiya va O'zbekiston hududidagi davlatlarning Buyuk Ipak yo'li orqali savdo munosabatlari, Marko Poloning Markaziy Osiyoga sayohati va ko'pchilik uchun yangilik bo'lgan buyuk italyan bastakori Antonio Vivaldining Amir Temurga bag'ishlangan asarlari haqida so'z yuritiladi.