ՊԱՅՔԱՐ ...

ՊԱՅՔԱՐ
Չսիրեցի քսան-քսան թիվն ու իրեն սեպտեմբերը,
Ավելի ճիշտ ...ողջ աշունն այդ հայատյաց,
Ես ատեցի սեպտեմբերի քսան յոթը...
Նոյեմբերի ինն էլ ավել և հացուրաց...
Որ խառնել էր կյանքն ու դավը...
Հերոսների արյան դիմաց:
Չհարգեցի ես այդ աշնան բերքն ու բարը,
Դառնություն կար ...պտղի համում ու լեղու չափ,
Ես չտեսա ոսկե աշուն ...այդ աշունը...
Այդ աշնանը եղավ միայն տերևաթափ:
Եղեռներգ կար ...մելամաղձոտ մեղեդու տեղ,
Ու ձյուն չեկավ ...գարնան նման եղեռնական,
Հազարավոր կյանքի շիվեր անմեղ,անմեղ,
Բողբոջեցին ...և այդպես էլ չծաղկեցան:
Հիմա կասեք գժվել է սա ...աշուն-գարուն խառնեց իրար,
Որ գժվեի լավ կլիներ...կուզեի և դառնալ խելառ,
Ապրիլ ամսին,տասն հինգին, փուլ էր եկել երկնակամար,
Եվ ապրիլը դեռ չծաղկած ...աշուն դարձավ խելապատառ...
Քսան քսան..ու քսան յոթ...նոյեմբեր ինն չարից էլ չար:
Իսկ գժվելը քիչ է մարդուն ...հասկացողի,մարդու համար,
Տակնուվրա եղավ...դարձավ կյանք և աշխարհ...
Հողն է տնքում ազգիս ցավից ...ու գոռում է պայքար-պայքար...
Մեր արյունը ...կանչը արյան պատգամում է մեկ ճանապարհ...
Վրեժ..վրեժ ...Հայի պատվի...Մասիս Սարի ....
Ու մեր թափած արյան համար:
Չսիրեցի...չհարգեցի և ատեցի աշունը չար,
Աշուններ շատ կգան -կանցնեն ...էլի կգա տերևաթափ,
Երբ միասին ձեռք -ձեռքի տանք ...բռունցք դառնանք,
Աշնան պտղի համը էլի կքաղցրանա Հայի համար...
Ու կմաղի սիրո անձրև ..բողբոջելու...կյանքի համար...
Որ Մշո վանք...Վանքասար ու Դադիվանք...
Աղթամարի Սուրբ Խաչի հետ միահավաք...
Ձեն-ձենի տան ու տան պատվար...
Խազանչեցոց Սուրբ Պատարագ
Հաղթանակի խաղաղության ու Ձեր համար
Հավերժախոս փառք ու պսակ...
Հայրենիքիս Սուրբ Նահատակ...
Հանուն ձեր Սուրբ արյան համար...
Վրեժ...վրեժ...պայքար...պայքար...
Մինչ հաղթանակ ու Հաղթանակ:
Համլետ Հակոբյան
21.09.2021թ.
Ք.Կիրժաչ