Сўроқларим кўп!

Беъозор дейишар мени кўрганлар,
Сўзларин эшитиб, кулиб дейман ҳўп.
Aнчадир сўзимдан жабр чекганлар,
Дилларни ранжитган хатоларим кўп.
Чақирганда ҳўп деб бормасдан,
Ёки билиб туриб ёки билмасдан.
Вада бериб, вафо қилмасдан,
Кимнидир алдаган ёлғонларим кўп.
Кимларга ишониб алданиб қолдим,
Тақдир синовидан зўр сабоқ олдим.
Индамай барини оллоҳга солдим,
Дўстим деб ишонган душманларим кўп.
Гоҳ ўйлаб чиқаман ухламай тунлар,
Мени кутар экан яна қай кунлар.
Ҳаётим давоми бахтми ё дардлар,
Кўрган кунларимдан кўрмаганим кўп.
Иккала оч кўзим давлатга тўймай,
Мол дунё ортидан югирдим тинмай.
Дўстларни онамнинг қадрини билмай,
Бошни тошга урган афсусларим кўп.
Дилимда янгиланар ҳар он, бир яра,
Виждоним ҳеч тинчлик бермайди сира.
Билмай қилган айбимдан кўра,
Билиб қилган гуноҳларим кўп.
Бу дунё жумбоқдир ечилмайдиган,
Ўлимчи меҳмондир кутилмайдиган.
У дунё бу дунё ушалмайдиган,
Қалбимда яширган орзуларим кўп.
Энг ёмон бандаси бўлганим учун,
Узурлар сўрайман йиғлайман беъун.
Барига жавобим берарман бир кун,
Aллоҳим олдида сўроқларим кўп.
#Qalbim...🥀🥀🥀