Кетдим дейишимга асти йўл қўйма,

Менинг айтган сўзим бу отилган ўқ,
Сен менинг жонимдан ширинсан, аммо,
Жондан кечарману, ғуруримдан йўқ!
Сен шундай севгинки, ҳатто ўлиб ҳам,
Жаннат эшигидан қайтай ёнинга,
Юрагинга жойла, қучоғинга ол,
Қўш мени кўпириб оққан қонинга.
Сен мени шундай сев, қил сиғмас дилга,
Осмонлар жойланиб кетсин бемалол,
Шу ишқда бир лаҳза яшамоқликчун,
Қолган умри кундан кечгум, эҳтимол!
Сен шундай севгинки, кетар истасам,
Ишқинг кишанласин қадамларимни...
Малика Салимова