Бир кун келиб унутасан деганмидим,

Деганмидим севдим дема севмай туриб.
Ўша кунлар келишини билган эдим,
Ҳаётимдан кетаяпсан бир-бир юриб!
Бир кун келиб тонасанда қасамлардан,
Йиғлаяпман жим овозсиз, тўлиб-тўлиб.
Дунёдаги яхши-ёмон одамлардан,
Сен деб кечмай деган эдим бир кун келиб!
Юрагингни бер деб айтдинг, мен ўтиндим,
Уни вайрон этмайсанми бир кун келиб?
Қара энди ўша ошиқ юрагимни,
Йўлбарсларга бераяпсан бўлиб-бўлиб!
Мени демоқ ахдингми,ё, омонатми,
Совимасми туйғуларинг бир кун келиб?
Нишонингман, қурол этдинг хиёнатни,
Қаерларга кетай энди бошим олиб.
Ўлгунимча севаман деб айтганингда,
Ишон рости қотиб-қотиб кулган эдим.
Битта ўзим ёнаяпман гулханингда,
Ўша кунлар келди мана, билган эдим.
Бир кун келиб унутасан деганмидим....
Малика Салимова