Атасы – Латип Сатиҡ улы Йарашов тыумышы пелән Йалутор районның Рауты ауылтағы туғыртлар (сартлар) тоғомнан пулған, инәсе – Шәмсикамал Йосоп ҡысы Илйасова – Пумайырныңҡы. Клараға 5 йәш пулғанта, ҡәиләләре Раутыға күцеп китәте. Анта ҡыс күрше пулған Ҡашауылның мәктәбенә кереп уғыйты, суң ауылта эшләйте. Үс өмөрөнә шәғирә йыр-моңҡа, шиғрийәткә ынтылып йәшәйте. Суңкы йылларта мәрғүмә Әлминур Патршина пелән “Сүзге”, анан суң “Рамай” тип аталған йыр ансамбльта, ҡәсер Әмәл ансамбльта поронҡо йырлар йырлайты, шиғерләр йасаты. Татарца йасҡан шиғерләре Ҡасанта цыҡҡан (1998) “Мин – себер татарымын” шиғрий йыйынтыҡҡа кергәннәр. Себертатарца йасылған шиғерләре интернетта 2005 йылта http// www.sybyrlar.ru сайтта пастырылған. 2010-нцы йылта «Әйткем киләте…», 2011-нце йылта «Цыйылмаған ацаҡ» китаплары цығатылар. 2016-нцы йылта “Күңелемнән” тигән китап цыҡты, 2017-нце йылта шиғерләре "Современная литература народов России. Поэзия" тигән Мәскәүтә цыҡҡан антологияға пер ницә шиғере кергеселте. Анта Рәсәйтәге 140 телләртә, шал исәптән себертатар телтә тә шиғерләр пастырылты. 2018-нцы йылта - "Сағыныу" себертатарца проза китабы пастырылты. Пы китапларта Клара апаныңҡы 300 йаҡын шиғерләре, 13 ҡикәйәсе тонйа күрте. Клара Кучковскаяның татарлар өцөн эшләгән эшләренә йуғары ҡаҡ пиреп аны Улысныңҡы Татарлар Конгрессы, Себертатар автономиялар, Уласның Милләтләр комитеты Булат Сулейманов исемле премия пелән, пашҡа сур грамоталар, ҡатлар пелән пүләкләгәннәр.
Сүрәтнеңке авторы - Ольга Бакиева
Присоединяйтесь к ОК, чтобы подписаться на группу и комментировать публикации.
Нет комментариев