Bir so'zim bor...

Kun kelar sekin, Qulog'ingga o'zim aytarman. Sendan olis ketsam ham lekin, Meni kutgil, va men qaytarman.
Yuragingda ming bitta gumon, Ming bitta o'y - yaxshi va yomon, Ammo, ishon sen faqat ishon, Meni kutgil, va men qaytarman.
Nozik qalbing yonsa alamda, Qo'y kuyunma, o'rtanma g'amda, Meni esla, eslagin hamda, Kutgil meni, va men qaytarman.
Hijronlarda ado bo'lsam ham, Ishq yo'lida yurib tolsam ham, Shuni bilki, hatto, o'lsam ham Meni kutgil, va men qaytarman!