Таъкиди Эрон ба се мухолифати бузург дар Рӯзи Қудс алайҳи Исроил

Вазири корҳои хориҷии Эрон, дар мақолае дар рӯзномаи "Ал-Ахбор"-и Лубнон ба муносибати Рӯзи ҷаҳонии Қудс бар зарурати мухолифат бо сиёсатҳои режими саҳюнистӣ таъкид кард.
Ба гузориши ТоҷикПресс, Сайид Аббос Ароқчӣ, вазири корҳои хориҷии Эрон дархост кард, ки тадбирҳои ҳуқуқӣ, иқтисодӣ ва байналмилалӣ алайҳи ишғол, нажодпарастӣ ва кучондани ҷабрии фаластиниён андешида шавад.
Рӯзи Қудс; нишонаи ҳамбастагии ҷаҳонӣ бо Фаластин
Ироқчӣ Рӯзи ҷаҳонии Қудсро мероси раҳбари собиқи кишвараш барои озодии Қудс донист ва илова кард: “Ин рӯз танҳо як нишона нест, балки барномае амалӣ барои мусулмонон ва ғайримусулмонони ҷаҳон аст.”
Вӣ таъкид кард, ки имрӯз дигар ҷамъомадҳои рамзӣ кофӣ нестанд ва ҷомеаи ҷаҳонӣ бояд иқдомҳои қатъитар анҷом диҳад.
Се “мухолифат”-и калон алайҳи режими саҳюнистӣ
Вазири корҳои хориҷии Эрон се меҳвари асосии мухолифат бо режими саҳюнистиро ин тавр шарҳ дод:
Мухолифат бо ишғолгарӣ
Беш аз 80 сол аст, ки Фаластин зери истилои саҳюнистҳо қарор дорад ва танҳо 7% аз замини таърихии Фаластин боқӣ мондааст.
Шаҳраксозиҳои исроилӣ нақзи Конвенсияи Женева ва қарорҳои Шӯрои Амният (монанди қарорҳои 338, 476 ва 2334) мебошанд.
Ҷомеаи ҷаҳонӣ бояд ба ҷои муносибатҳои рамзӣ, қадамҳои амалӣ барои хотимаи истило бардорад. https://tajikpress.com/2025/03/27/%d1%82%d0%b0%d1%8a%d0%ba%d0%b8%d0%b4%d0%b8-%d1%8d%d1%80%d0%be%d0%bd-%d0%b1%d0%b0-%d1%81%d0%b5-%d0%bc%d1%83%d1%85%d0%be%d0%bb%d0%b8%d1%84%d0%b0%d1%82%d0%b8-%d0%b1%d1%83%d0%b7%d1%83%d1%80%d0%b3-%d2%9b/