Дунёлар керакмас ёнимда бўлса,

Ажинлар ярашган хушчиройлигим.
Шодлигим бир дунё жилмайиб кулса,
Онам бойлигимдир, Отам
бойлигим...
Болам деб, чақам деб умри адоғим,
Меҳнатда ёрилган қўли қадоғим.
Бирлари боғимдир, бирлари тоғим,
Онам бойлигимдир, Отам бойлигим.
Қилган дуолари ёритгай йўлим,
Меҳрини қизғонмас ҳотамтойлигим.
Бир умр кўксимда таъзимда қўлим,
Онам бойлигимдир, Отам бойлигим.
Арзигай, уларга бўлса жон фидо,
Уларсиз адоман, гадоман гадо.
Ўзинг паноҳингда асрагин Худо,
Отам бойлигимдир, Онам бойлигим...!