* * *

Сени эсламайман, хавотир олма,
Мендан кечганларни унутмоқ осон!
Кўнглингга заррача умид ҳам солма,
Ўзини қадрини билмаган нодон!
Сени эсламайман, ишон, ишонма,
Хаёлу-ўйимга йўлатмам бир он,
Сен бор кўнглимдан ҳам кечиб қўйишга,
Сени унутишга топаман имкон!
Кулгимни қистатма, ҳолингга қара,
Баридан воз кечдим мен ўша куни.
Энди остонасин қучиб ўтасан,
Юзимга ёпилган эшикларингни!
Сени эсламайман, исминг ким эди,
Ёдингни чилпарчин айлаган ўзинг!
Худодан ёлвориб сўрагин энди,
Йўлимга тўкилиб қолмасин кўзинг!
Сени эсламайман!!! Абадул абад,
Меҳрсиз масканга ким бўлар маҳтал.
Сенга маслаҳатим, БИСМИЛЛО деб ол,
Бировнинг кўнглига киришдан аввал!
Сенга Яратгандан сўрайман паноҳ,
Кўнглимни синдирди ЁЛҒОН ва ТУҲМАТ!
Дардимга шифо бор, АЛҲАМДУЛИЛЛАҲ,
Бир оз фурсат керак, оооозгина фурсат!
СЕНИ ЭСЛАМАЙМАН,
ХАВОТИР ОЛМА,
МЕНДАН КЕЧГАНЛАРНИ УНУТМОҚ ОСОН !!!
Малика Тавфиқ