Ҳали тиззангизга чўкасиз чунон,

Сиздан зарбаларни тинимсиз олдим.
Кўнглимни оғритиб қўйдингиз ёмон,
Қалбнинг қотилларин Ҳудога солдим.
Индамай кетди деб юрманг хотиржам,
Сиздан икки кўзим қон билан қайтдим.
Менинг ишонганим Яратган эгам,
Борки шикоятим Ўзига айтдим.
Ҳар яхши, ҳар ёмон амал ҳисобда,
Ҳамма берганини олиб юрибди.
Сизнинг кўзларингиз кўрдир шу тобда,
Аллоҳ ҳаммасини кўриб турибди.
Кимнинг бахтсизлиги кимга бахт бўлмас,
Сизнинг жиноятга бор жазолар кам.
Хукм ўқилишга кўп қолган эмас,
Ишимни кўрмоқда энг одил ҳакам!
Сиз ҳам синовдасиз, синовда биз ҳам,
Суйгани учун ҳам жабрда қолдим.
Зулмингиз жонимдан ўтиб кетса ҳам,
Бор йўғи мен сизни Ҳудога солдим!
Қалбнинг қотилларин Ҳудога солдим!!!
Малика Тавфиқ.