СЕНСИЗ ЯШАБ ЎТГАН

КУНЛАРИМ!
Сени кўрдим, куймади юрак,
Суйинмади ҳатто унларим!
Менга сенсиз яшаш не керак,
Сенсиз яшаб ўтган кунларим!
Ўчмагандинг кўнгил, ёдимдан,
Ўчмагандинг ҳатто додимдан!
Энди даво сўрайман кимдан,
Сенсиз яшаб ўтган кунларим!
Юзингдан юз бурмаган эдим,
Йиқилгандим, турмаган эдим,
Бундай кунни кўрмаган эдим,
Сенсиз яшаб ўтган кунларим!
Кўнглим яра, кўнглим тун бугун,
Бахти қаро, бахтсиз кун бугун,
Сенсиз кўнглим яна хун бугун,
Сенсиз яшаб ўтган кунларим!
Дарёману ирмоғим қани,
Сўқмоқларим, қирғоғим қани,
Ўлай десам, илмоғим қани,
Сенсиз яшаб ўтган кунларим!
Сени кўрдим, куймади юрак,
Суйинмади ҳатто унларим!
Энди сенсиз яшаш не керак,
Сенсиз яшаб ўтган кунларим