ҚАДР-ҚИЙМАТ.

Агар қадр тополмасанг,
Куюнма,қилгин ҳанда.
Ахир,ўзинг биласан,
Биз хом сут эмган банда.
Ҳурматинг қўйилмаса,
Сен истаган жойига.
Кўкракка қўл қўйилмаса,
Сен эгилма пойига.
Демасалар,тўрга чиқ,
Меҳмон отадек улуғ.
Кўп ўтирма,дарров чиқ,
Сарви савлати қуруқ.
Қолса кўнглинг илиниб,
Ол-ол демаса ҳеч ким,
Сўзинг қолса,бўлиниб,
У ердан ҳам тез чиққин.
Бой кетса бойга қараб,
Сездирма ҳеч дардингни,
Сой оқса ,сойга қараб,
Ўзинг бил,ўз қадрингни.