НИМАЛАР БУЛМАЙДИ ЙИГИТЧИЛИКДА...

Боласи оч қолса қиёмат-қойим,
Xотиннинг заxридан асра Худойим.
Кўчага чиқади тирикчиликда,
Нималар бўлмайди йигитчиликда.
Кимгадир қучоғин очади бозор,
Кимдир ҳунар билан кимдир мардикор.
Киракашлик қилар машинаси бор,
Кимдир меҳнат қилар шерикчиликда,
Нималар бўлмайди йигитчиликда.
Қанча узоқларни яқин қиласан,
Тупроқни ҳам элаб олтин қиласан.
Ўзингдан ўтганин ўзинг биласан,
Тақдирга тан берма бу юқчиликда,
Нималар бўлмайди йигитчиликда.
Ҳалол ризқинг териб янги тонгни кут,
Умидни юқотма этагидан тут.
Бесамар кетгазган умрингни унут,
Ғанимат бўлар бу кун тўқчиликда,
Нималар бўлмайди йигитчиликда