Oxşama

1
Qəm yeli əsər gedər,
Səbrimi kəsər gedər,
Hansı südəmər bala,
Anadan küsər gedər.
2
Göz yaşım rəvanədi,
Üzdə danə-danədi,
Köynəyin bu sinədə,
Həşrədək nişanədi.
3
Qanına batan Əli,
Məqsədə çatan Əli,
Nənəni ağlar qoyub,
Qəbridə yatan Əli.
Oxşama
1
Sənə nolubdu balam,
Rəngin solubdu balam,
Oyan bir dur yuxudan,
Döşüm dolubdu balam.
2
Laylay balam, can balam,
Mən sənə qurban, balam,
Sən ağlayanda,oğul,
Gözüm ağlar qan, balam.
3
Balamı tanıram mən,
Hər sözün qanıram mən,
Yuxuda ah çəkəndə,
Od tutub yanıram mən.