ONANGA QO'NG'IROQ QILDINGMI BUGUN?

Bu dunyoda mehr oqibat ustun,
Musofir yurtlarda yurganing uchun,
Sog'inib intizor kutib turganda,
Onanga qo'ng'iroq qildingmi bugun?
Har zum xavotirda soatga qarab,
Har kun duosida omading so'rab,
Gohida pinhona sog'insa yig'lab,
Onanga qo'ng'iroq qildingmi bugun?
O'zing uchun yelib, baxtingni topding,
Do'stu oshnolarga vaqtingni topding,
Shu kunlarga yetib qadringni topding,
Onanga qo'ng'iroq qildingmi bugun?
Nogahon bolanga bir ozor yetsa,
Ko'zinga dunyo tor, kuning bo'lar tun,
Sen deb tunlari beorom o'tsa,
Onanga qo'ng'iroq qildingmi bugun?
Onasi qololmay darddan qutqarib,
Mozorga borarlar gullar kutarib,
Mehrga zor bo'lib qolibdi qarib,
Onanga qo'ng'iroq qildingmi bugun?
Mana shu kunlarda bir o'ylab ko'rgin,
O'zing uchun olding qancha zo'r kiyim,
Aytgin onang uchun ne qilding do'stim,
Bir marta qo'ng'iroq qildingmi bugun?
Yo'lsiz qolib, ketsang yo'l topiladi,
Dilinga bir dildosh dil topiladi,
Qo'y o'sha boylikni pul topiladi,
Onanga qo'ng'iroq qildingmi bugun?
Muhamaddiyor so'zi og'ir botmasin,
Onalarnin umri g'amda o'tmasin,
Mehr quyoshlari bevaqt botmasin,
Onanga qo'ng'iroq qildingmi bugun?