Дэвид Мойеснинг тинчини бузган 12та

жиддий сабаб...
Рукн: Янгиликлар » ЕВРОПА
Ҳозирда «МЮ» бош мураббийи Дэвид
Мойеснинг аҳволига ҳавас қилиб
бўлмайди: афсонавий сэр Алекс Ферг­
юсондан жудо бўлган «иблислар» ҳамон
ўз ўйинларини тополмаяптилар. Sports.ru сайти ижодкорлари янги бош
мураббийнинг ҳаловатини бузаётган 12та
омилни санаб ўтди.
1. Жадвалдаги 8-ўрин
Узоқ йиллардан буён жамоа қайд этган
энг ёмон старт. Ҳозирча «Юнайтед»
айтайлик, «Халл Сити»дек «суперклуб»
йўналиши бўйича одимламоқда.
2. Ёзги трансферлар бозоридаги
сусткашлик
Бэйнс, Коэнтрау, Фабрегас, Эррера ва
Хедирани харид қилолмаган «МЮ» фақат
Маруан Феллайнини таркибга қўшиб
олди. Яна анчайин қиммат баҳода.
3. Феллайнининг тайёр эмаслиги
Жамоанинг ярим ҳимоя чизиғида мавжуд
бўлган узоқ йиллик муаммони ҳал этиши
кутилган бельгиялик футболчи ҳозирча
манчестерлик парик ишлаб
чиқувчиларни хушнуд этмоқда, холос.
4. Кучдан қолаётган Видич ва
Фердинанд
Яқин-яқингача жаҳонда энг кучли
саналган ҳимоячилар жуфтлигини ҳозир
таниб бўлмаяпти: Видич яна
жароҳатланган, Фердинанд эса 8та
учрашувнинг ўзида аввалги бутун бир
мавсумдагидан кўпроқ гол шоҳидига
айланди. Ҳимоя марказидаги муаммолар
Майкл Кэррикнинг юкини янада
оғирлаштириб юборди. Дарвоқе, бу
футболчи ҳам навқиронликдан анча
йироқда.
5. Раймон Верхейеннинг твиттери
Ҳозирда «Манчестер Сити»да фаолият
олиб бораётган Россия терма
жамоасининг жисмоний тайёргарлик бў­
йича собиқ мутахассиси ўзининг 22000
нафар мижозига Мойеснинг адо
бўлганлигини уқтиришдан чарчамаяпти:
«Динозаврларнинг энг ношуди
жаҳоннинг сара клубидан бири билан 6
йиллик шартнома имзолади!»
6. Робин ван Персининг жароҳати
Ўтган мавсум Робин 38та учрашувнинг
барчасида майдонга тушганди.
Навбатдагисида эса голландиялик
ҳужумчи «Манчестер дербиси»ни ўтказиб
юборди. Айтишларича, у қовуғидаги
жароҳатдан азият чекмоқда.
7. Дэнни Уэлбекнинг омадсизлиги
Уэлбек сўнгги 10 йил ичида «МЮ»
мухлисларининг энг кўп нафратига дучор
бўлаётган ўйинчилар сирасига киради.
Унинг фойдали ишлари ҳам етарлича.
Лекин агарда қулай вазиятларни ҳавога
совуришда давом этса, ўзи ҳам, Мойес
ҳам «омон» қолмаслиги аниқ.
8. Трибунада ўтирган сэр Алекс
Жамоанинг иши юришмай қолган
паллада камералар трибунадан Дэвид Мо­
йеснинг ўтмишдошини қидириб қолади.
Худди Фергюсон даврида бундай
кўнгилсизликлар учрамаганини
таъкидламоқчи бўлгандек.
9. Шинжи Кагава
«МЮ» ҳужум чизиғида муаммоларга дуч
келган кезлар ҳужумкор ярим ҳимоячини
майдонга туширишни талаб қилишади.
Бироқ асосий муаммо шундаки, Уэйн
Руни билан бир хил позицияда
ўйнайдиган футболчига ҳеч қандай
кафолат йўқ.
10. Вингерлардаги пасайиш
Нани, Валенсия, Эшли Янг - бу
футболчиларнинг ҳар бири АПЛнинг сара
вингерлари қаторидан ўрин олган. Лекин
ҳозирда Нани билан Валенсия оптимал
спорт формасидан анча йироқ, Янг эса
афтидан, «МЮ»даги охирги мавсумини
ўтказаётганидан аллақачон хабар
топгандек...
11. «Арсенал» ва Месут Озилнинг
муваффақияти
«Тўпчилар» клубини калака қилишга
одатланиб қолишган «МЮ» мухлислари
ҳозирда куладиган ҳолатда эмаслар.
Арсен Венгер жамоаси чемпионатда энг
чиройли ўйинни намойиш этмоқда.
Бундан ташқари, сэр Алекс ҳамда Мойес
томонидан рад этилган ва «канонирлар»
сафидан жой олган Месут Озил аллақачон
АПЛнинг энг ёрқин юлдузларидан бирига
айланди.
12. Самарадорликнинг пасайиб
кетиши
«Иблислар» гол уриш бобида ҳам
оқсамоқдалар. 9та ўйинда 14та гол - бу
бошқа клублар учун бинойидек натижа,
бироқ «МЮ» учун эмас.