Qaroqlarni sahro qildi vidolarim,

Tushingizga kirmadimi nidolarim?
To'rt tomondan bo'zlab kelar xatolarim...
Sizni qanday suygandim-a, suyukligim...
Kun chiqmagan ayvonimga oylar botar,
Yurak - mozor, sho'rlik dilim yig'lab yotar...
O'tdan qancha yiroq bo'ldim, kuydim battar!
Sizni qanday suygandim-a, suyukligim...
Kuyiklarim bir men bildim, Xudo bildi,
Tutab ketdi ko'nglim - xazon, ado bo'ldi...
Xato bo'ldi. Xato bo'ldi... XATO BO'LDI !!!
Sizni shunday suygandim-a, suyukligim...