შენი ტრფობით, როგორც ბავშვურ წლებში

კვლავ საოცრად ვემსგავსები ზღაპარს.
არ ვიცვლები მხოლოდ შენზე ფიქრში,
მე შენნაირ სხვას ვერავის ვნახავ.
ხვალაც ისევ დაუბერავს დარდი
და ვიქნები ხვალაც ისევ მთვრალი.
მოდი, სანამ გათენდება სხვა დღე,
რომ გინდა რომ არ მიხილო მკვდარი.
საშინელი გაზაფხული მოგყავს,
საოცარი იყო ზამთრის სუსხი.
მენატრება ყინვა მაგ თვალების
გათოვება და ზარები მწუხრის.
ყველაფერი, როგორც ბავშვურ წლებში
კვლავ საოცრად ემსგავსება ზღაპარს.
კიდევ ერთხელ მიყვარხართქო გეტყვი
და ვამთავრებ ამ უგულო თამაშს