ნოტე ვარდი ქოპუას სქან ეზოსი ვორგუდე,                                                     ვარა სანთელ ქოპუას გოთანაშა ვონტუდე,                                            თუთარჩელა ქოპუას ჩქიმ ნათელსი გორუნდე,                                                   თი დღა გომითანუას სიჩქიმ ყუდეშა მოურდენ.

სშკა სერი რე უკუმელა,

სკანდე ფიქრებს მიშეფსოფუქ,

მოშკვიდუანს ჩილამური,

ქომორჩქინას ნოტე სო პუნქ,

სკანი შურუბუმუობაქ თოლს სინათლე მემიდინუ,

ათე მაჩვალი ყოროფაქ

დუმონდგულუ მუჩოთ ყინუ 

სკვამი რექი მუჭო ვარდი,

სკვამი გიღუ თოლი, წარბი,

სი რექ ჩქიმი ჭიჭე ხანგა,

ქუმორთი აშო, ვაგმახანგა.

თიმ ნდღას

სკანი სკვამი თოლეფი
ასე უმოს წკონდა რე,
მოკო დიბჭყოლიდუე
მარა, მუშნერ მონკა რე!

გურსუ მიწკუმონტუანს,
სკან წარეფ დო ფიჭვეფი,
თეში გითმუფათქუა -
ამარ-ამარ დიბჭვენ ქი(ი).

ელმეძიცა ტყობაშე,
მუჭოთ ჩხანა ოჭმარეს,
გური მაფათქალუ დო
მა ვამიჩქ მუ ოხვარ ეს…

სკანი სკვამი თოლეფი,
ასე უმოს ტომბა რე.
თიმ ნდღას, მუშენ ვაშეფხვად
ქომწი, მუშენ მონგარე!