Ваъдаи аҷиби Трамп ба арабҳо: Исроил дигар ҳамла намекунад

Як нашрияи англисӣ ба нақли сарчашмаҳои огоҳ гузориш дод, ки раисиҷумҳури Иёлоти Муттаҳда дар бораи нақшаи Ғазза ба кишварҳои арабӣ ваъда додааст, ки режими саҳюнистӣ ҷангеро оғоз нахоҳад кард.
Ба гузориши ТоҷикПресс, як нашрияи англисӣ рӯзи душанбе аз ваъдаи Доналд Трамп, раисиҷумҳури Иёлоти Муттаҳда ба кишварҳои арабӣ, барои мутобиқат ва пазируфтани нақшаи поёни ҷанги Ғазза хабар дод.
Нашрияи “Financial Times” ба нақл аз сарчашмаҳои огоҳ, ки номашон ошкор нашуд, гузориш дод, ки Трамп дар бораи нақшаи Ғазза ба ҷаҳони араб ваъда додааст, ки режими саҳюнистӣ дигар ҷангеро оғоз нахоҳад кард.
Ин сарчашмаҳои огоҳ аз ҷузъиёти гуфтугӯҳои бо кишварҳои арабӣ, ба ин нашрия гуфтанд: “Трамп шахсан кафолат додааст, ки Исроил бори дигар ҷангеро оғоз намекунад”.
Дар таърихи 29 сентябр буд, ки Кохи Сафед нақшае 20-моддаӣ барои поён додани низоъ дар наври Ғазза интишор кард. Ин нақша талабкунандаи оташбаси фаврӣ ва озодии гаравгонҳо дар давоми 72 соат аст.
Бо таваҷҷуш ба он ки режими Исроил собиқаи тӯлоние дар вайрон кардани шартномаҳои байналмилалӣ ва бисёр бор вайрон кардани паймон дорад – аз вайрон кардани такрории қарори Шӯрои Амният то вайрон кардани шартҳои Паймони Осло – ваъдаи Трамп ба кишварҳои арабӣ дар бораи сар накардани ҷанги нав аз ҷониби Исроил, қобили эътимод нест. https://tajikpress.com/2025/10/06/%d0%b2%d0%b0%d1%8a%d0%b4%d0%b0%d0%b8-%d0%b0%d2%b7%d0%b8%d0%b1%d0%b8-%d1%82%d1%80%d0%b0%d0%bc%d0%bf-%d0%b1%d0%b0-%d0%b0%d1%80%d0%b0%d0%b1%d2%b3%d0%be-%d0%b8%d1%81%d1%80%d0%be%d0%b8%d0%bb/