Як расказаў кіраўнік упраўлення камунальнай гаспадаркі і энергетыкі Міністэрства ЖКГ Аляксей Філановіч, штогод у Беларусі ўтвараецца каля 4,3 мільёна тон смецця.

Летась з усяго гэтага аб’ёму нарыхтавалі 800 тысяч тон другасных матэрыяльных рэсурсаў – то бок з усіх адходаў выбралі тое, што можна выкарыстаць паўторна.
У 2025 годзе за 9 месяцаў паспелі адправіць на перапрацоўку ўжо 691 тысячу тон другасных матэрыяльных рэсурсаў. Сюды ўваходзіць:
• 320 тысяч тон паперы і кардона;
• 171 тысяча тон шкла;
• 112 тысяч тон палімерных адходаў і пластыка;
• 47 тысяч тон зношаных шын;
• 19 тысяч тон адпрацаваных алеяў і столькі ж адходаў электрычнага і электроннага абсталявання.
Найбольшы аб’ём другасных рэсурсаў далі Мінск і Гомельская вобласць – 164 тысячы і 103 тысячы тон адпаведна. Пры чым Гомельшчына паказала яшчэ і найбольшы рост у нарыхтоўцы ў параўнанні з мінулым годам – на 24%. А больш за ўсё з нашай вобласці пайшло на пераапрацоўку пластыку і шкла.
Усяго ў краіне функцыянуюць 85 аб'ектаў, прызначаных для сарціроўкі цвёрдых камунальных адходаў і другасных матэрыяльных рэсурсаў. Яны дазваляюць сартаваць каля 1,5 мільёна тон адходаў, або 40% ад аб'ёму вывезеных і прынятых адходаў, якія падлягаюць сартаванню.
Крыніца: https://belta.by/society/view/svyshe-691-tys-tonn-vtorichnyh-resursov-sobrano-v-belarusi-v-janvare-sentjabre-745472-2025/